रबिआ
तुझा विश्वास होता देवावर
तुडुंब
पण त्याचा कुठं विश्वास होता तुझ्यावर
सुख आणि रबिआ
रबिआ आणि सुख
यांची गाठभेट म्हणून होऊच द्यायची नाही
आयुष्यात कधीही
त्यांची चुकामुकच होत रहावी नेहमी
अशी मुद्दामच सगळी आखणी केलेली होती त्यानं अगदी
पहिल्यापासनं
सुखाचा वाराही तुला लागू नये
म्हणून फार जपायचा तो
झुळूक जरी लागली
तरी तू विसरायचीस त्याला एकादवेळेस
म्हणून घाबरायचा की काय
कुणास ठाऊक?
No comments:
Post a Comment